أغاني شعبي
mms
الموقع
النهاردة جايبالكم جمل بتتقال فى كل بيت و اتحداكم لو الجمل دى مش بتتقال فى البيت عندك
بسم الله الرحمن الرحيم
أشهر جمل بيقولوها الأب و الأم في مصر
* امشى جاتك مشش فى ركبك .
* جتها نيلة الى عايزة خلف تيجى تتفرج .
*ذاكر ياموكوس مش فالح غير فى الهيافه والكلام الفاضى.
* ربنا يرزقك بعيل يوريك اللي ورتهوني.
* هات كيس عيش وانت راجع.
* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .
* كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.
* هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).
*أوعا حد يضحك عليك ويقولك جرب السيجارة دي.
*ابقى ورينى مين حينفعك فى الاخر من شوية الصيع الى انت مشيلى وراهم .
* قوم اقرا لك كلمتين ينفعوك .
* وطي المدعوق ده شويه .
* انت فاكرنا نايمين على ودانا ؟
*لما ما ترضاش تاكل في البيت:طبعا مانت اتعودت علي اكل بره .
*ياريتك تحفظ دروسك زى مانت حافظ الاغانى.
* عيـــب ... لازم تحترم اللي أكبر منك .
* لو شفت خناقه ما لكش دعوة بيها .
* كريم دا عيل بايظ وماتمشيش معاه تاني .
* مين منى دي انتى كل يوم تصاحبي واحدة جديدة ؟.
* انته مبتكلش جزر ليه .. اجيبلك برتقانه. طب كل سلطه .
* يبني بأسلوبك ده مش هتعيش معاك واحده .
* قومي ساعدي امك ده اللي هيتجوزك أمه داعية عليه.
* اوعى حد غريب يديلك حاجه تاكلها و تشربها و تاخدها منه .
* يا ابني حرام عليك الى بتعمله فينا ده.
* انا سايبالكوا البيت وماشية ومش حتشوفوا وشي تاني .
* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.
* وانت فاكر احنا مستنيين منك حاجه .
* المسلسل مش هينفعك ...قوم .
*ماتقعد يابنى تكمل أكلك , انت كلت حاجة!!!
(طيب ماهو انا لو جعان أو الأكل عاجبنى إيه اللى هيخلينى أقوم يعنى , هو انا غاوى جوع مثلا )
.
* كفايه رغي في التليفونات .
* كل على مهلك .. وامضغ كويس ... وما تكلش وانت واقف .. وكل من قدامك ما تحفش .
* اطفي التلفزيون وقوم ذاكر ولا و خش اوضتك .
* بلاش تمشى حافى البس شبشب وانته داخل الحمام .
* ما فيش مذاكرة على المزيكا .. وازاى بتذاكر و البتاع ده شغال جنبك .
* افرد ظهرك .
* لم شراباتك.
* ماتكلش فى ضوفرك.
* كنت فين لحد دلوقتى يا صايع.
* ماتتأخرش علشان عندك كلية بكرة بدرى.
* انا مش عارف انته طالع لمين.
* انا : ياماما بقه ايه ده ؟؟؟
ماما:مووو لمـا يــــــخدك .
* ادلعى ياهبة فى ايامك المهببة .
* ده منظر اودة بني آدم ، انت عايش فيها ازاي؟.
* هو انا الخدامه الى ابوكم جبهلكم .
* الى يطلع من الاوضه يطفى النور وراه .
*أبوك عندك أهو اتصرف معاه .
* اللي بيشيل قربه مخرومة بتخر عليه لوحده ..
* لو مش فاهم حاجه ارفع ايدك و قول للأستاذ مش فاهم .. متتكسفش .
* البس فنله قطن تحت ودفي سدرك ودخل التيشرت في بنطلون البيجامه وانته نايم .
* يأبنى المذاكره مابتخلص .... نفسى اشوفك مره ماسك كتاب.
* اعمل حسابك مش حندخلك جامعه خاصه.
* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .
* مالكش دعوة بالسياسة .. وماتمشيش في مظاهرات .و امشي جوا الحيط .
* احمد ربنا الاكل الى مش عجبك ده فى ناس مش لقينه .
* التهديدات المخيفه والمرعبه : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .
* قومي سخني الأكل لأخوكي.
* ابوكم كان دايم بيطلع الاول على الفصل... " لما كلهم كده امال مين الى بيطلع الاخير .
* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.
* و أخيرا ::
ضرب امثلة تشجع على الكفاح و أشهرها أحد الأقارب اللي كان بيذاكر على لمبة
جاز أو على عامود النور الي في الشارع و نجح وخد الدكتوراه وسافر أمريكا (
ٌٌقال يعنى كان بيعرف يركذ والناس ماشيه حوليه فى الشارع )
» اكبر مكتبة برامج للهكر اتفضل وشوف, برامج الهكر, احدث برامج الهكر
» تحميل برامج هكر 15 برنامج بروابط مباشر وشرح بصور
» تحميل Mp3 اغاني عيد الميلاد .
» تحميل فيلم الجبان والحب :: للكبار فقط +18 ::
» مطلوب مشرفين على جميع الأقسام
» حصريا نسخة الجمال و الاناقة Windows MARENDA XP V4 2011 مع احدث البرامج و اجمل الثيمات بحجم 630 ميجا على اكثر من سيرفر .
» DVDSCR | بانفراد تام عفاريت مصر : فيلم العيد " بيبو وبشير " بطولة منة شلبي وآسر ياسين بحجم 486 ميجا بجودة Rmvb تحميل مباشر على اكثر من سيرفر
» محمود اسماعيل فى اغنية جديدة من الالبوم القادم